Sportklifur
Í sportklifri er notast við línu. Annað hvort er klifrað í svokölluðu ofanvaði (top rope) þar sem línan liggur upp í akkeri og svo niður í klifrarann, eða þá að klifrarinn er með línuna á eftir sér en festir hana reglulega við klettinn til að lágmarka fallhæð.
Sportklifursvæði á Vestfjörðum
Stærsta sporklifursvæði Vestfjarða er í Norðurfirði á ströndum. Þar er nú búið að setja upp hátt í 70 leiðir, flestar þeirra boltaðar. Þónokkrar dótaklifurleiðir (trad routes) eru þar einnig, meðal annars leiðin “Usain Boltless” sem er núna sú hæst gráðaða á landinu.
Yfirlit yfir klifurleiðir í Norðurfirði má finna á vefsíðunni klifur.is.
Við Ögurnes í Ísafjarðardjúpi er að finna lítið svæði sem er tilvalið fyrir börn og byrjendur. Þar hafa verið settar upp fimm boltaðar leiðir í 6-8 metra háum klettum. Stutt er á milli bolta og allt hugsað þannig að það sé sem hentugast fyrir börn, lágvaxna og þá sem eru að stíga sín fyrstu skref í leiðsluklifri.
Til stendur að skrá þessar leiðir inn á klifur.is og verður það gert innan skamms. Yfirlit yfir leiðirnar, nöfn, gráður og fleira mun að sjálfsögðu birtast hér einnig.
Í Valþjófsdal í Önundarfirði er nýjasta spottklifursvæði Vestfjarða. Þar eru núna fimm boltaðar leiðir, allar í erfiðari kantinum. Kletturinn er mjög heillegur og hreinn, mjög flottur til klifurs.
Búið er að skrá svæðið og leiðirnar inn á klifur.is. Þegar nýjar leiðir bætast við verður sú skráning uppfærð. Einnig má sjá skráningu leiðanna á klifursíðunni 8a.nu.
Hér fyrir neðan eru nokkrar myndir úr Valþjófsdal.
Viltu klifra?
Hér finnur þú upplýsingar um mismunandi gerðir klifurs, klifursvæði og fleira.
Inniklifur
Klifurfélag Vestfjarða hefur byggt upp inniklifuraðstöðu á Ísafirði, í gamla skátaheimilinu.
Sportklifur
Línuklifur eða sportklifur eins og það er einnig kallað má stunda víðsvegar um Vestfirði.
Grjótglíma
Þú þarft bara lágmarksbúnað til að stunda grjótglímu.
Ísklifur
Vestfirðir bjóða oft upp á heimsklassa ísklifuraðstæður
Dótaklifur
Ekki það sem þú kannski heldur. Með "dóti" er átt við ákveðinn öryggisbúnað.